GCP CONS

Notkun á GCP CONS

GCP CONS hentar sérstaklega vel til útskolunar á lokuðum lagnakerfum eins og t.d. neysluvatnskerfum og kælikerfum með hringrásardælingu en einnig má nota efnið með því að láta hluti liggja í efninu þar til tilætluðum árangri er náð.

Hreinsun lagnakerfa með hringrásardælingu: Öll venjuleg tæring og óhreinindi hreinsast burt á innan við 24 klst en minniháttar tæring og útfellingar á innan við 12 klst. Með því að halda efninu á hreyfingu með dælingu eykst virkni efnisins til muna og meðferðartími styttist. Sömuleiðis má með því að hita efnið í allt að 50°C enn auka hraðvirkni efnisins. Eftir meðferð skal skola út lagnirnar vel með heitu vatni.

Hreinsun hluta með ídýfingu: Vatnsþétt ílát úr járni, plasti eða segldúk henta best. Það sama á við um ídýfingu og lagnahreinsun að hreyfing efnisins með hringrásardælingu og hitun upp að 50°C styttir meðferðatíma. Eftir meðferð skal skola hluti með heitu vatni. Efnið hefur engin ryðverjandi áhrif og því áríðandi að þurrka og mála hluti sem fyrst eftir meðferð ef svo ber undir.

GCP CONS skal þynna með vatni allt að 30% CONS á móti 70% vatns sem hentar í all flestum tilvikum. Þó má nota efnið í sterkari blöndu upp að 50/50 til að auka virkni efnisins á erfiðari fleti eða til að stytta vinnslutíma.

Það að halda efninu á hreyfingu með hringrásardælingu, hvort sem er í lagnakerfum eða við ídýfinu, er alltaf til bóta. Með því að halda efninu á stöðugri hreyfingu komast fleiri sameindirnar hraðar að yfirborði hlutanna í tankinum og vinnslutími styttist.

Upphitun GCP CONS upp að 50°C er sömuleiðis til bóta þar sem við hækkað hitastig efnisins eykst hraði efnaskipta og vinnslutími þ.a.l. styttist.

GCP CONS er fjölnota og má nota það til ídýfingar í tönkum aftur og aftur. Með því að dýfa hlutum sem þarf að hreinsa má í mörgum tilfellum spara sér bæði tíma og fyrirhöfn og þ.a.l. kostnað samanborið við aðrar aðferðir. Sé efnið t.d. haft í tanki inni á verkstæði er nóg að hreinsa botnfall öðru hverju og bæta GCP CONS blöndu út í eftir þörfum. Gæta þarf þess að uppgufun úr blöndunni eykst við hækkað hitastig.

Það skal þó tekið fram að við ídýfingu er hringrásardæling eða upphitun ekki endilega nauðsynleg fyrir virkni efnisins heldur stytta þessir þættir vinnslutíma hvort sem er til samans eða í sitt hvoru lagi.

Skólplögn í skipi fyrir og eftir hreinsun með CONS

Dæmi um notkun CONS með hringrásardælingu:

• Hreinsun neysluvatns lagna með hringrásardælingu. Hreinsar ryð og önnur óhreinindi innan úr lögnum sem og að sótthreinsa þær í leiðinni.
• Hreinsun sjólagna og tanka með hringrásardælingu um borð í skipum og bátum. Hreinsar ryð, þörunga og annað lífrænt efni innan úr lögnum og ballestartönkum.
• Hreinsun undirþrýstra skólpkerfa í skipum með hringrásardælingu. Hreinsar burt hlandstein og önnur óhreinindi innan úr lögnum.
• Hreinsun á kæliganga í díesel vélum í bílum og bátum. Hluta af  frostlegi er tappað (t.d. 5 ltr af 6 cyl vél) og GCP CONS bætt á í staðin. Vélin látin ganga í 45 mín eða þar til hún hefur náð að hitna. Því næst er gamla frostleginum með óhreinindunum tappað af og vélin skoluð (gott að láta vélina ganga 10-15 mín) með hreinu vatni einu sinni til tvisvar áður en nýr frostlögur er settur á vélina.

Dæmi um notkun CONS með ídýfingu:

• Hreinsun kælielimenta, eima og þétta um borð í skipum. Þar sem flutningur upp úr skipum gæti reynst erfiður og tímafrekur. Hafa menn dýft elementum í GCP CONS blöndu og notað til þess vatnshelda seglpoka og beitt hringrásardælingu til þess að flýta vinnslutímanum.
• Hreinsun með ídýfingu á vélarhlutum og verkfærum  af öllum stærðum í tanka eða önnur ílát stór sem smá. Með eða án hringrásardælingu eða upphitun.
• Hreinsun með ídýfingu á álfelgum.