Almennt um virkni GCP GEL
Notkun á GCP GEL
GCP GEL er ætlað til yfirborðsmeðhöndlunar stærri flata og er efnið hleypt til að auka viðloðun á lóðréttum og láréttum flötum. Gelið má ekki þynna. Besta raun gefur að sprauta efninu á flötinn með málningarsprautu og nota þá stórar dísur. Þó má líka pensla eða rúlla efninu á, en gæta þarf þess að efnið þeki flötinn jafnt og vel. Nota skal 0,4-0,5 ltr per fermetra. Þar sem einungis er ætlunin að hreinsa ryðtauma og minniháttar óhreinindi duga 0,2-0,3 ltr per fermetra. Undir berum himni í miklu sólarljósi og hita gæti þurft að setja þykkara lag á flötinn. Vinnslutími gelsins er breytilegur allt eftir aðstæðum hverju sinni og taka þarf tillit til hitastigs og veðurfars hverju sinni. Innandyra við hitastig yfir 5°C er vinnslutíminn 12-24 klst. Utandyra við hitastig undir 5°C getur vinnslutími lengst. Eftir meðferð þarf að hreinsa flötinn og er það best með háþrýstidælu (200-300 bör) með heitu vatni.
Hafa þarf í huga að gelið hefur enga ryðverjandi verkan eftir meðferð og því þarf að grípa til viðeigandi ráðstafanna í tíma, eigi tæring ekki að hefjast að nýju.
Ryðfrítt stál fyrir og eftir hreinsun með GEL
Dæmi um notkun GCP GEL:
- Hreinsun ryðs, ryðtauma og annara óhreininda af skrokkum, stýrishúsum, þilförum, millidekkjum og búnaði öllum á skipum og bátum.
- Hreinsun innra byrðis neysluvatnstanka um borð í skipum þar sem efnið ekki bara hreinsar burtu ryð og óhreinindi heldur sótthreinsar tankana í leiðinni.
- Ryðhreinsun af vinnuvélum og skyldum búnaði.
- Hreinsun ryðtauma utan af hvort sem er steypu eða timbri.
- Hreinsun sólpalla og veranda af gróðri eins og mosa o.þ.h.
- Ryðhreinsun gamalla bárujárnsþaka fyrir málun þar sem galvanisering er verulega farin að láta á sjá og hætt að virka